Монгол Улсын иргэнд газар өмчлүүлэх тухай хуулийн хэрэгжилтийг хангах ажлын хүрээнд Нийслэлийн Мэдээллийн технологийн газраас “Газар өмчлөл” мобайл аппликейшнийг нэвтрүүлээд байна. Тус аппликэйшн нь Нийслэлийн цахим газар өмчлөлийн системийн өгөгдлийн баазтай холбогдон ажиллах бөгөөд хэрэглэгчид гар утсаараа цахим газар өмчлөлд бүртгүүлж өргөдлөө илгээх юм.
Үүнээс гадна Нийслэлийн Өмчийн харилцааны газрын үзүүлдэг бүхий л үйлчилгээний талаарх мэдээллүүд болох газар эзэмших ашиглах тухай мэдээлэл, газрын төлбөрийн мэдээлэл, Нийслэлийн өмчит барилга байгууламжийн түрээсийн талаарх мэдээлэл, газар эзэмшихэд бүрдүүлэхэд шаардлагатай материал гэх мэт мэдээллүүдийг авах боломжтой юм.